హైదరాబాద్ : 17ఏళ్ల క్రితం ఎంప్లాయిమెంట్ కార్డుల గడువు ముగిసిన అభ్యర్థులకు శుభవార్త. ఎంప్లాయిమెంట్ కార్డులను రెన్యువల్ చేసుకునేందుకు మరో అవకాశం కల్పిస్తోంది జిల్లా ఉపాధికల్పనా విభాగం. 2000 సంవత్సరం నుంచి 2017 సంవత్సరం మధ్యలో కార్డును రెన్యువల్ చేయించుకోని వారు తమ ఎంప్లాయిమెంట్ కార్డులను ఈ నెల 31వరకు రెన్యువల్ చేయించుకునేందుకు అవకాశం కల్పిస్తున్నట్లు జిల్లా ఉపాధి కల్పనాధికారి తెలిపారు. గతంలో కేవలం రెండు మూడు సంవత్సరాల క్రితం గడువు తీరని వారికి మాత్రమే అవకాశం కల్పించేవారని, తెలంగాణ ప్రభుత్వం అధికారంలోకి వచ్చిన తరువాత నిరుద్యోగులను దృష్టిలో పెట్టుకుని మొట్టమొదటి సారిగా 17ఏళ్ల క్రితం ఎంప్లాయిమెంట్ కార్డు రద్దయిన వారికి పునరుద్ధరించుకునే అవకాశం కల్పించినట్లు తెలిపారు. ఈ సదావకాశాన్ని అన్ని జిల్లాల పరిధిలోని ప్రజలు వినియోగించుకోవాలని విజ్ఞప్తి చేశారు.